Бишкекте кырсыктаган автобустун айдоочусунун талмасы кармап калганы айтылды 

Бишкекте жеңил унааны сүзүп, анан тротуарга чыгып кеткен коомдук транспорттун айдоочусунун талмасы кармап калган. Бул тууралуу "Бишкек шаардык транспорт" муниципалдык ишканасынын 2-автобазасынын башкы инженери Бакыт Табалдиев "Кабар" агенттигине курган маегинде айтты.

"Айдоочу "бутум тырышты" деп жатат. Буту тырышса да автобусту токтотуп калууга болгон аракетин жумшаптыр. Кудай сактаптыр, тротуардагы адамдарды дагы сүзүп албай. Ал күнү айдоочубуздун ишке чыкканынын экинчи гана күнү болчу",- деди ал.