Ала-Арчада жоголду делген өспүрүмдү издөөгө тик учак көтөрүлдү (видео)

Өзгөчө кырдаалдар министрлиги Ала-Арчада дайынсыз жоголгон 15 жаштагы Амирди издөө иштерине тик учак көтөрүлгөнүн билдирип, тийиштүү видеону жарыялады.

Министрликтин бүгүн, 9-ноябрда берген маалыматына ылайык, окуя болгон жерге куткаруучулар жана ӨКМдин жетекчилиги бара жатат. Издөө-куткаруу иштери уланууда.

Кошумча маалымат берилет.

Эскерте кетсек, өспүрүм 7-ноябрда аталган жаратылыш паркына чуркоо үчүн барып, Адыгене капчыгайына өз алдынча кеткен. Андан кийин ӨКМге адашып калганын айтып байланышкан. Бирок куткаруучулар азырынча анын баштыгын гана табышты.