Чүй милициясы жол кырсыгына айыпталган эгиздер боюнча түшүндүрмө берди

Бүгүн, 9-ноябрда Чүй облустук милициясы Москва районунда адам өлүмү менен коштолгон жол кырсыгына байланыштуу камакка алынган эгиздердин иши боюнча түшүндүрмө берди.

Маалыматка ылайык, окуя 2025-жылдын 25-ноябрында болгон. Анда Ауди-100 үлгүсүндөгү унаанын айдоочусу 1986-жылы туулган жергиликтүү тургунду сүзүп кеткен. Унаада айдоочунун 1992-жылы туулган эгиз туугандары да болгон.

"Айдоочу жабырлануучуну дароо ооруканага жеткирбестен, алгач үйүнө алып барган. Кийин гана ооруканага жеткиришкен. Ошондой эле алар жол кырсыгы болгонун жашырып, медициналык кызматкерлерге жабырлануучу аттан кулап кеткенин билдиришкен. Натыйжада жабырлануучу алган жаракаттарынан улам ооруканада каза болгон",- деп айтылат маалыматта.

Аталган факт боюнча айдоочуга 3 берене менен, ал эми унаадагы эгиз жүргүнчүлөргө Кылмыш-жаза кодексинин 145-беренеси (Жардам көрсөтпөй коюу) менен айып тагылып, 29-декабрда кылмыш иши кароо үчүн сотко жөнөтүлгөнү кошумчаланат.