Бишкекте арыкты бетондоп койгон курулуш компаниясы жоопкерчиликке тартылды (видео)

Бишкек шаардык мэриясынын Муниципалдык инспекциясы "Приус Строй" курулуш компаниясы тарабынан көрктөндүрүү эрежелери бузулганын аныктады. Бул туралуу бүгүн, 10-ноябрда аталган мекемеден билдиришти.

Маалыматка ылайык, компаниянын өкүлдөрү арыкты бетон менен жаап, ага чектеш аймакты да бетондогон. Аталган факт боюнча административдик протоколдор түзүлүп, мыйзам талаптарын сактоо боюнча түшүндүрүү иштери жүргүзүлгөнү белгилүү болду.