Чүй облустук милициясы таксистке кол салууга шектелген жаранга кылмыш ишин козгоду

Чүй облусунун Сокулук районунда такси айдоочусуна бычак сайып, анын унаасын айдап кетүүгө шектүү жаранга кылмыш иши козголду. Бул тууралуу Чүй облустук милициясы маалымдады.

Маалыматка караганда, 11-ноябрга караган түнү 2007-жылы туулган Т.А. "Яндекс" кызматы аркылуу такси чакырып, жолдо айдоочуга бычак менен жаракат келтирген. Андан соң аны №4 шаардык ооруканага жеткирип, унаасын айдап кеткен.

Жабырлануучунун билдирүүсү жана унаадагы GPS түзмөгү аркылуу шектүү Бишкек шаарынан кармалганы белгилүү болду.

"Аталган факт боюнча Кылмыш-жаза кодексинин 207-беренеси (Каракчылык) менен иш козголуп, шектүү убактылуу кармоочу жайга киргизилди. Учурда кылмыш иши боюнча тергөө амалдары улантылууда",- деп айтылды маалыматта.