Бишкекте "40×40" эс алуу жайына айып пул салынды

Бишкек шаарындагы "40×40" клубуна түнкү убакта катуу музыка коюп, тургундардын тынчтыгын бузганы үчүн Муниципалдык инспекция түшүндүрүү иштерин жүргүзүүгө барды. Бул тууралуу аталган инспекция билдирди.

Маалым болгондой, буга себеп Октябрь районунун тургундарынан арыз түшкөнү. Алар аталган жайдан чыккан катуу музыка жана ызы-чуу түнкүсүн эс алууга тоскоол болуп жатканын билдиришкен.

Белгилей кетсек, текшерүүнүн жүрүшүндө "Тынчтык жөнүндө" мыйзамдын талаптары бузулганы аныкталып, мекемеге карата административдик протокол түзүлгөн. Натыйжада караоке бар 28 миң сом айып пулга жыгылды.

Муниципалдык инспекция көңүл ачуучу жайлардын ээлерин мыйзам талаптарын сактоого жана шаар тургундарынын тынчтыгын бузбоого чакырат.