Араб парламенти хуситтерди каржылоону токтотууну көздөп жатат

Араб парламенти Йемендеги “Ансар Аллах” кыймылын (хуситтерди) каржылоо жана курал-жарак менен камсыздоо каналдарын бөгөттөө боюнча эл аралык демилге көтөрдү. Бул тууралуу уюмдун билдирүүсүндө айтылат.

Демилгенин алкагында хуситтердин жетекчилигине каршы санкцияларды кеңейтүү да каралган.

Маалыматка ылайык, план хуситтерди каржылоо жана курал менен камсыздоо булактарын токтотууга, ошондой эле алардын ишмердүүлүгүн колдогон финансылык жана аткезчилик тармактарын, коммерциялык түзүмдөрдү жана акча которуу каналдарын аныктоого багытталган.

Белгилей кетсек, Араб парламенти Араб мамлекеттеринин лигасынын өкүлчүлүктүү органы болуп саналат. Ал уюмга мүчө өлкөлөрдүн депутаттарын бириктирип, кеңеш берүүчү ыйгарым укуктарга ээ.