Ош шаарынын мэри студенттер менен жолугушту (видео)
Бүгүн, 17-ноябрь - Студенттердин эл аралык күнүнө карата мэр Жанар Акаев Ош шаарындагы жогорку окуу жайлардын студенттери менен жолугушту. Бул тууралуу шаардык мэриядан билдиришти.
Маалым болгондой, мэр студенттерди куттуктап, тортторду таратып, аларга майрамдык маанай тартуулады.
"Студенттер менен бир күн аттуу иш-чаранын алкагында мэр ОшМУнун жатаканасындагы жашоо шарттар менен таанышып, студенттердин көйгөйлөрүн жана сунуштарын укту. Ошондой эле журналистика факультетинин студенттери менен пикир алышты.
Мындан тышкары, педагогикалык университетте волейбол оюнуна күбө болуп, Ош технологиялык университетинин лабораторияларын көрдү. Мэр жаштардын сапаттуу билим алуусуна жана кесиптик жактан өнүгүүсүнө шарт түзүү маанилүү экенин белгилеп, алардын сунуш-пикирлери эске алынарын билдирди",- деп кошумчалады мэриянын басма сөз кызматы.
Студенттер күнүнө карата Жанарбек Акаевдин жолугушуусу
0

Супер-Инфо
super.kg видео
















