super.kg logo

Кыргызстан туризмден 9 айда 12,2 миллиард сом салык чогултту (видео)

 

Кыргызстандын туризм тармагынан 2026-жылдын 9 айында мамлекеттик бюджетке 12,2 миллиард сом салык түштү. Бул өткөн жылдын ушул мезгилине салыштырмалуу 40 пайызга көп экенин Туризмди өнүктүрүү боюнча мамлекеттик агенттиктин директору Эдуард Кубатов "Кабарга" берген маегинде билдирди.

Анын айтымында, мурда туризм тармагы бир жыл ичинде да мындай көлөмдө салык төлөй алган эмес.

"Мындай сумманы биз бир жылдын ичинде да бере алчу эмеспиз. Туризм азыр мамлекетке ишене баштады. Мурда салык төлөбөй, өз алдынча иштегендер болсо, азыр тармак ачыкка чыгып жатат",- деди Кубатов.

Анын маалыматына ылайык, учурда Кыргызстанда туризм тармагында 13 миңге жакын субъект иш алып барууда. Транспорт, логистика, тамак-аш, мейманкана жана башка тармактарды кошкондо азыркы учурда туризмден 160 миңге жакын жаран киреше табууда.

Агенттиктин директору туризмдин өлкөнүн экономикасындагы үлүшүн да көбөйтүү пландалып жатканын билдирди. Учурда бул тармак ички дүң продукциянын 4 пайызын түзөт. Көрсөткүчтү жакынкы жылдары 7-8 пайызга, 5-6 жылдын ичинде 10 пайызга жеткирүү планы коюлган.

Маалыматка ылайык, 2026-жылдын 9 айында Кыргызстанга 9 миллион турист келген. Жыл аягына чейин туристтердин санын 12,5-13 миллионго жеткирүү пландалууда.

Кубатовдун айтымында, учурда агенттик туризм тармагын системдүү өнүктүрүү, мамлекеттик мекеменин ишин жолго коюу жана тармакта структуралык реформаларды жүргүзүү багытында иш алып барууда.






Кыргызстан туризмден 9 айда 12,2 миллиард сом салык чогултту

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2026 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: