"Раян Билдингден" үй алгандар курулушту мамлекет бүтүрүп беришин суранышты (видео)
Курулуш министри Нурдан Орунтаев "Раян Билдинг" компаниясынан турак жай сатып алуу үчүн каражат салган жарандар менен жолугушту. Алар курулушу бүтпөй калган объектилерди мамлекеттин карамагына өткөрүп, үйлөрдү бүтрүп берүүнү өтүнүштү.
Министрликтин маалыматына караганда, жолугушуу кечээ, 17-ноябрда өтүп, анда компаниянын Бишкек шаарындагы жана Чүй облусундагы курулуш объектилеринин абалы талкууланды.
Учурда компанияга таандык бир катар объектилердин курулушу ар кандай баскычта турат. Алар:
- Күйүков көчөсүндөгү 94 жана 96-үйлөр — каркас баскычында;
- Кант шаарындагы "Октавия" турак жай комплекси — каркас баскычында;
- Көк-Жар конушундагы Көлбаев көчөсү, 32 дарегиндеги "Сан-Таш" комплекси — курулушу баштала элек;
- Каркыра көчөсү, 38 дарегиндеги "Бай Мурас" комплекси — нөлдүк цикл баскычында.
Жолугушуунун жыйынтыгында Нурдан Орунтаев ар бир объект боюнча эсептөө жүргүзүп, курулушту аяктоо мүмкүнчүлүктөрүн кароону тапшырды. Ошондой эле министр жакынкы аралыкта аталган объектилерди жеринен кыдырып, алардын абалы менен тааныша турганын билдирди.
Эскерте кетсек, аталган курулуш компаниянын башчысы президентке анын Чүй облусундагы эл менен жолугушуусунда барып жолуккан. Тиешелүү жетекчилерге тапшырмалар берилген.
"Раян Билдингден" үй алгандар курулушту мамлекет бүтүрүп беришин суранышты (видео)
0

Супер-Инфо
super.kg видео
















