Депутат Исмаил Исаков Ак үйдүн коопсуздук кызматкерлеринин формасын сынга алды

ЖКнын 7-февралдагы жыйынында депутат Исмаил Исаков Ак үйдөгү коопсуздук кызматкерлеринин кийимдерин сынга алып, төрагадан буга чара көрүүнү суранды. Мамлекеттик мекемеге таандык эрежелер толук сакталышы керектигин айткан Исаков буларга токтолду: "Жумушка кирип келе жатсам 3 жигит туруптур, үчөөндө үч түрлүү форма. Биринин жонунда АКШнын формасы, биринде орустуку жана башка. Мамлекет катары өз жүзүбүз болуш керек. Форманын, тамак-аштын жоктугунан аскерлер кызматтан качып жатышат да".