Көп кыздын арасынан өзүң гана,
Көктөгү жанып турган чолпон элең.
Кокустан чаң жугузуп аламбы деп,
Колумду тийгизгенден коркор элем.

Көп кыздын арасында балбыл жанып,
Көздөрүң жарык чачкан жакут эле.
Ар дайым аппак жүзүң жаркыратып,
Күлгөнүң бир мен үчүн бакыт эле.

Жаштыкта кимдер гана жаңылбасын,
Жанымда жок болсоң да жадымдасың.
Эңсеймин, бирок сага жетмек кайдан,
Бар болгун бажырайган карындашым.

Менин бактым белең?
Жарык чачып сезимге сен.
Күнү-түн үмүтүм,
Күндөрдү бирге өткөрсөм деймин.
Сага карап айтам,
Жүзүң сүйүп, эркелеп сен.
Карегиң карагат,
Жагымдуу күлкүң жарашат сенин.

Кайырма:
Тагдырым бирге болсо,
Ажырабай жүрөк соксо.
Айланабыз ажайып,
Кооз гүлгө толсо.

Эркелетип, эргитип сүйсөм,
Сен махабат оту бол.
Алоолонуп жалыны,
Аткан таңымдай.
Жашоо көркү сен болуп жүрсөң,
Жанымдан кетпей.
Кайра-кайра эңсейм, тартыламын,
Гүл болчу, күн болчу сен.

Кайырма:

Муңкандырып жүзүмдү,
Жылдарым жылып баратат,
Эңсетип жалгыз өзүңдү.
Арман көлүн кечербиз,
Байланып аруу сезимге,
Бакытсыз жандар экенбиз.

Кайырма:
Арманымдын азабын кечтим,
Мендей сага каалабас бакыт эч ким.
Ардагым, сүйө албас мендей эч ким.
Арманымдын азабын кечтим,
Мендей сага каалабас бакыт эч ким.
Ардагым, сүйө албас мендей эч ким.

Сен назик жүрөгүмдү өзүң ыйлаттың,
Сен жүрөгүмдүн дартын ырбаттың, махабатым.
Мен сезимге канат байлап сага учкам,
Мен сени ай-ааламда ыйык туткам, махабатым.

Жүрөгүмө элесиң,
Уялады терең-терең,
Бил, сезимим сени менен.
Арманга сен алдырба,
Айыпсыз жаным кайгырба,
Ансыз да баттым кайгыга.

Кайырма:

Мен ушундай жөнөкөй жигит,
Сендей кызга ашык болупмун.
Көктөгү жылдызды, кашы кундузду,
Жете албай мен арзуу кылыпмын.

Кезиккенбиз ошондо бакта,
Сен жылмайсаң мен да күлүпмүн.
Жалган сүйүүлөр, жалган күлкүлөр.
Сени сүйүп ката кылыпмын.

Каталарда билинди баркым
Сен билбедиң жан дүйнө дартын.
Кадырым билбедиң, дартым сезбедиң,
Сени сүйүп мен жаңылыпмын.

Көздөрүм бар мага жарашкан,
Мга бардык селки карашкан.
Калды сүйүүлөр, калды күлкүлөр,
Өкүнүчтүү жетпей калганым.

Мен ушундай жөнөкөй жигит,
Сендей кызга ашык болупмун.
Көктөгү жылдызды, кашы кундузду,
Жете албай мен арзуу кылыпмын.

Жалбарып жаздан тилегем,
Жазыгым жалгыз билем мен.
Жан музам күүсүн толгойт,
Жандаймын көзүм тойбой,
Жазаңа даярмын мен.

Кызганып кыялым бузба,
Кызыгып куру сөз сузба.
Кылымдан курап берем,
Кыйраса улап берем,
Кызылдын гүлүн терем.

Кайырма:
Аячы, суранам сенден, суранамын,
Өз сүйүүмдү өзүмө кайрып берчи.
Аячы мени, аячы,
Өз сүйүүмдү өзүмө кайрып берчи.

Ойлоном ойдун таңында,
Ойгонсом деймин жаныңда.
Оюнсуз сезимдерим,
От алган кезим менин,
Ой, тобо, оору жедим.
Бактым деп сени тандадым,
Байкабай башка калганын.
Баркына жетеличи,
Байланып кетеличи,
Багынып эртелечи.

Каректеги сенин элесиң,
Сүйүүнүн тартып желесин.
Жүрөккө нурун себесиң, күнүм.
Көздөрүң сенин карагат,
Көңүлүмдү эзип жаралап
Оюмду бүтүн аралап, гүлүм.

Жашоомдо жалгыз ханзаадам,
Ишенчи сенсиң садагам, сүйүктүүм.
Кетпе жанымдан,
Эстеп сагынам,
Элесиңди жылуу жылдыз тагынган.
Сага багынам,
Сага жалынам
Жок кетпе жанымдан

Маралдай сенин басканың,
Магдыратпай сырың ачамын.
Сүйлөсөм сүрдөп качпагын айым.
Булактай шыңгыр күлгөнүң
Саган алып бакыт күндөрүн
Сунсам дейм сүйүү гүлдөрүн, дайым.

Детка ты прекрасна в этот час
Только для тебя пою сейчас
Чтобы улыбалась ты всегда
В это время прошепчу тебе я

Знай что нет преграды для меня
Полюбить единственно тебя
Только лишь с тобою знаю я
Я обрету покой навегда

Припев:
Моя азиатка замираю я
Как я вижу снова карие глаза
Расскажу я кратко
Что ты для меня
Самая, самая любимая

Дива азиатка замираю я
Как я вижу снова карие глаза
Расскажу я кратко
Что ты для меня
Самая, самая любимая

Нам с тобою вместе попути
И любовь сойдет нам от зари
Незаметно ты подскажешь мне
Что я твой ангелочек на земле

Несравненны мысли о тебе
Яркий лучик ты мой в темноте
Оказалось быстро
Ты самая на небе звезда

Припев:

Күндөрүм буйрубады көрүшкөнгө,
Күнөөсүз ой санаамды бөлүшкөнгө.
Карайган эки тоонун чынарындай,
Калдыкпы катар өспөй тегиз жерде,
Ах, жаным, сүйгөнүм.

Көрүшпөс деңиздеги аралдардай,
Издешип табышпаган маралдардай.
Тагдырдын ушул беле шыбагасы,
Тамшанып мен жүрөмүн санаам канбай.
Ах, жаным, сүйгөнүмю

Кумардын чапкан аты алыс чыгып,
Колумдун кош тизгисин карыштырып,
Жүрөгүм мажнумдуку меники эмес,
Жүрөмүн сага жетпей намыс кылып.
Ах, жаным, сүйгөнүм
Өткөндү кийинкиге салыштырып.

Бирде келет байлык, бийлик баарына,
Бирде кетет тайып, жаның сыздата.
Кайгырба, кайгырба сен жашоо шартына,
Тагдырга, тагдырга буйругу да, бары да.
Байкабайсың болуп турган бактыңды,
Азык болот дайым сага ырыскы.
Каалаба, каалаба жамандыкты душманга,
Таштаба, таштаба досторуңду азапка.

Кайырма:
Жашоо деңизи,
Элдин ай, тилеги, тилеги.

Жылдап-айлап түшүнөрсүң баарына,
Жолуң кыска жакшылыктан тартынба.
Чалдыкпа, чалдыкпа алданбачы байлыкка,
Айрылба, айрылба ыймандыктан жакынга.
Кардуу күндөр өтөөр, жылдап аз-аздан,
Карыялар берет батасын сага.
Жараткан, жараткан, жаралганды кубатта,
Ааламга, ааламга көкөлөтүп асманга.

Кайырма

Бирде келет байлык, бийлик колуңа,
Бирде кетет жаның тайып, сыздата.
Кайгырба, кайгырба сен жашоонун шартына,
Тагдырга, тагдырга буйругу да, бары да.
Байкабайсың болуп турган бактыңды,
Азык болот дайым сага ырыскы.
Каалаба, каалаба жамандыкты душманга,
Таштаба, таштаба досторуңду азапка.

Кайырма:

Жаздай жаңырамын,
Айдай ачыламын,
Ыйык махабатка
Булактай тазарамын.

Кайырма:
Менин сүйүүм сен үчүн арналат,
Алгачкы жолуккан маңдайыма
Тагдырга моюн сунам.
Байланып өзүңө сезимдерим,
Баркыңды сезип турам.


Учкан сезим менен,
Сүйүп жанып келем.
Арнап жүрөгүмдөн,
Арзуумду сага берем.

Кайырма:

Мен булут болуп асман жүзүнөн,
Мен тамчылардай көктөн үзүлгөн.
Жамгыр болуп сага, себелеген майда,
Жазың болом көңүл сергиткен.
Сыяланган сапта сызып жазган кайра,
Ырың болом жүрөк эргиткен.

Кайырма:
Сен деп жашайм,
Элестетип сени гана.
Сенсиң дүйнө,
Бир мага.

Сен жыпарыңды чачып гүлзардан,
Сен кулпурсаң жүзүңө суктанам.
Гүлүң ачсаң мага, мээрим төгүп таңда,
Күнүң болом сага нурданган.
Сыяланган сапта сызып жазган кайра,
Ырың болом сүйүү арнаган.

Кайырма:

Жалооруп карап сенин жамалың,
Жалынга жүрөгүмдү байладың.
Жашоомо жаралган сен ардагым,
Жалгызым, бир өзүңдү сагындым.

Сени сагынып, сени сагынып,
Күндөрүм өтөт кусага батып.
Сени сагынып, сени сагынып,
Уйкусуз таңдар атты.

Кайырма:
Сен, жаралуу жүрөктү кыйнадың,
Сени сагынам, сезимимди сыйбадың.
Сен, тагдырымды неге кыйнадың?
Сени сагынам, үмүтүмдү алдадың.

Жанымда түбөлүккө калбадың,
Жазыксыз жүрөгүмдү арбадың.
Жанашып жарым болуп албадың,
Жалгыздык күндөрдү арнадың.

Күндөр жаңырып, жүрөк сагынып,
Көздөрүң карегимде кадалып.
Сезим жалынып, сага багынып,
Түбөлүк сен деп жашайм.

Кайырма:

Карагат кара көзүң бар,
Бал ширин таттуу сөзүң бар.
Алдыңа барып айтууга,
Шекерден таттуу сөзүм бар.
Уктабай сени ойлодум,
Ойлосом ойго тойбодум.
Куру дегенде сый кылып,
Кубантып, карап койбодуң.

Кайырма:
Жүрөгүм менин бир гана,
Жүз жүрөк менде болсо да.
Эмгекти сүйгөн жалжал көз,
Берер элем бүт сага.

Тосоюн деймин жолуңду,
Кармасам деймин колуңду.
Карабай кетип сен эми,
Кайната көрбө шорумду.
Үн улап менин үнүмө,
Шерик кыл өмүр гүлүнө.
Аймалап жыттап күнүнө,
Ай сайын эмес күнүгө.

Кайырма:
Жалжал көз, жалжал көз
Жалжал көз, жалжал көз
Жалжал көз, жалжал көз
Жалжал көз, жалжал көз