Сенсиз жаным,
Менин өмүрлүк жарым,
Жашоонун кызыгы жок бул дүйнөдө.
Сүйүү шооласын мага чачып турган,
Күн болуп бир өзүңсүң, сен гана.
Сенсиз жаным,
Менин өмүрлүк жарым,
Мынчалык бакыт болбос үй-бүлөдө,
Жашайсың чоң күч-кубат берип мага.

Кайырма:
Тилегеним экөөбүздүн ак сүйүүбүз,
Жашай берсе деп кылымдарга.
Сүйүү гүлүн, бүт өмүрүм,
Арнаймын мен бир сага.

Кайсы жерде жүрсөм да оюм сенде,
Жүрөгүм кумарланат сага тартып.
Көргөнчө шашыламын көз алдыма,
Элестеп жүзүң аппак, татына.
Кайсы жерде жүрсөм да оюм сенде,
Өзүңө күндөн-күнгө сүйүүм артып,
Айтарлык ыраазымын мен бактыма.

Кайырма:

Өмүр дайра, убакыт бар кечкенге,
Өтүнөрүм, мага келсең кеч келбе.
Асылкечим кайдан чыга калдың ай?
Мынтип жашым отуз чактан өткөндө.
Мынтип жашым кырктан өтүп кеткенде.

Жашоо жыргал, кадырына жеткенге,
Эмне жетсин, сүйүү сырын чечкенге.
Жүрөк сыздап жүлүндөрүм зырпылдайт,
Сен жолугуп белден каруу кеткенде.
Сен жолугуп мен алыстап кеткенде.

Сен да селки, асманда эмес жердесиң,
Сен да мендей, күнөөсү бар пендесиң.
Сүрөөрүбүз беш күн өмүр болгон соң,
Сүйүүбүздүн аямакпыз эмнесин?

Караганда, көзүңдөгү карекмин,
Кармаганда, бышып турган данекмин.
Чагып жебей өстүрүп же данымды,
Чамам бүтсө чал катары керекмин.

Бардык адам бала болгон,
Балалыкты эстейли.
Таза жүрүп кыт-кыт күлгөн,
Балалыктын элеси.

Кайырма:
Бала чагым өттү-кетти,
Кайрылбас ал эч качан.
Жүрөктөргө толду го,
Сагынычтар сыздаган.
Келечекти элестетип,
Бирге отурган партада,
Курбуларым, келгиле,
Чогулалы мектепке.

Мезгилдердей кубалашып,
Билим алдык күнү-түн.
Алма бактуу мектебибиз,
Алтын сарай биз үчүн.

Кайырма:

Балалыкты эске алып,
Чогулалы, курбулар.
Урмат-сыйга бөлөнүшсүн,
Эжекелер, агайлар. Маалыматты өзгөртүү

Бак аралап бара жатсам, капилеттен кезиктиң,
Ажарланган ошол күнү мендик болуп сезилдиң.
Ортобузда айырма бар, бир жыл эмес, тогуз жаш,
Эмнеликтен болуп кумар ак сүйүүгө болдум мас?

Жадыраган жазгы кечте жан дилимден берилдим,
Махабатым жетип чекке билбейм неге эриктим.
Ортобузда айырма бар, бир жыл эмес, тогуз жаш,
Эмнеликтен болуп кумар ак сүйүүгө болдум мас?

Кенже красотка, знай лишь одно,
Ты в небе как звезда, я на земле
Смотрю на тебя, каждый день о тебе вспоминаю,
О красивой Кенже я мечтаю,
Хочу быть с тобой рядом всегда,
Трудности и радости вместе пройдя,
Тебе я посвящаю красивые слова ни только слова
Бардык жакшылыкты каалайм сага, Кенже эже!

Шайырланып ошол күнү өткүр элең, шок элең,
Ачылат деп сүйүү гүлүн арзуу күткөн жок элем.
Ортобузда айырма бар бир, жыл эмес, тогуз жаш,
Эмнеликтен болуп кумар ак сүйүүгө болдум мас?

Чоктой ысып жалындадым, кучагыңдын ысыгын,
Ортобузга чырак жакты бал сүйүүнүн кызыгы.
Ортобузда айырма бар, бир жыл эмес, тогуз жаш, ай,
Эмнеликтен болуп кумар ак сүйүүгө болдум мас?

Кайдасың жан эркем кайдасың?
Издеп таппадым.
Күтүүдөн таңдар да кечте өзүңсүз,
Аябай чарчадым.
Күндөрүм айларга алмашты,
Жылга алмашты.

Кайырма:
Жалынам сага,
Түшүмө кирдиң ар убак.
Сагынып күткөн махабат,
Каректен ысык жаш тамат.
Окшобос болду,
Өзүңө такыр башкалар.
Оболоп учкан турналар,
Сүйүүмдөн кабар айта бар.

Кайдасың жан эркем кайдасың?
Кай жерде жүрөсүң?
Капалуу көңүлүм жабыркаганым,
Сен качан билесиң?
Күйүттүү от салдың сезимге,
Келчи тезирээк.

Кайырма:
Жалынам сага,
Түшүмө кирдиң ар убак.
Сагынып күткөн махабат,
Каректен ысык жаш тамат.
Окшобос болду,
Өзүңө такыр башкалар.
Оболоп учкан турналар,
Сүйүүмдөн кабар айта бар.

Алтын эмес, бакыт
Алалбайсың сатып.
Бир тамчысы бир өмүргө татып.
Төгүлсө да мейли, түгөнбөсүн дейли,
Таразалайт убакыт.
Кичинекей өлкөм, бирок бийик, көркөм,
Кенен, кандай кереметин көрсөм.
Ырысыма балкып, ырдабайын кантип
Ала-Тоодо төрөлсөм?

Элим, гүл өмүрдү сунайын эми,
Ынтымагың сурайын.
Биригип көкөлө, көкөлө ылайым куштай.
Элим, алакандай кыргызым, элим,
Жерге түшпөй жылдызың, өркүнүң өссүн,
Таттуу болуп турмушуң туздай.

Максат эмес кызмат,
Маңдай териң кымбат.
Майдаланба көр дүйнөгө сыздап,
Асмандаган кезде акыл сөздү эсте.
Токой болбойт жалгыз бак.
Жакшыны да билдик, жаманды да билдик,
Аза болбой, таза болсун бийлик.
Улуу өлкө куруп, улут бойдон уюп,
Эне тилде эргийли...
Кайырма

Неге сен, неге сен жаш жүрөгүңдү кыйнадың.
Жазды күтүп кеч күздө, жан оорутуп ыйладың.
Бардыгы сен үчүн
Кабагыңды бүркөбөчү
Сага деп арналат,
Чыккан күн таң зардан.

Неге сен, неге сен өзүңдү өзүң сүйбөйсүң,
Карангыга жашынып, неге калдың адашып.
Бардыгы сен үчүн
Кабагыңды бүркөбөчү
Сага деп арналат,
Чыккан күн таң зардан.

Неге сен, неге сен - гүл өмүргө ишенбейсиң,
Тарчылыкка малынган тагдырды “ташбоор” дейсиң.

Убакыт термелет,
Термелип жан кейитет
Кайрымдуулук жашаган,
Жан дүйнөңө жылуулук бер!

Алма гүлүн ачкан кезде
Апа сизден айрылгам
Арман толо көз жаш менен
Ыйлап, ыйлап кайгыргам
Айтып бүткүс кайталангыс
Мээримиңден ажырап
Азаптардын деңизине
Чөгүп кеткем кайгымдан

Кайырма:
Алма гүлү, алма гүлү ай азапка саласың
Алма гүлү, алма гүлү арман бойдон каласың
Алма гүлү, алма гүлү ай азапка саласың
Алма гүлү, алма гүлү арман бойдон каласың

Алма гүлүн төккөн кезде
Ата сизден айрылгам
Ак булутка жетээримде
Канатымдан кайрылгам
Аталап ай кыйкырганым
Укпай уктап жатканда
Алоолонуп, алоолонуп
Күйүп кеткем кайгымдан

Алма гүлүн ачкан сайын
Өзүңөрдү эстеймин
Асылдарым экөөңөргө
Эркелөөнү эңсеймин
Ак тилектер силер айткан
Мага ыйык аманат
Аягына чыкмайынча
Бул өмүрдөн кетпеймин

Таалайыма тартуу белең,
Тамгасы танбаган арзуу белең?
Тамчысына эриндерим,
Эркелейт эңсөөсү жазуу менен.
Жадабайм Жараткандан сурагандан,
Жамалым шамалыңа сылаткандан.

Кайырма:
Маңдайыма жазганым,
Махабатым арманым.
Айдайыңмын арнаарым,
Ак кептер маанайым. ррр

Кумарыма кубат белең,
Кусалык сагыныч сынак белең?
Сындырбачы садагасы,
Саамайым сылачу ынак белең,
Ырысым теңир берген термеп терген.
Ырымды ыргак менен ырдап берем.

Жылдыздын жүрөгү жагалданат баарына,
Байланып сүйүүнүн жаркыраган шамына.
Жалындуу өмүрдүн саналуу бул күнүндө,
Ырдасам, жылмайсам карабагын таарына.

Кызганба, кызганба,
Ишен, мен сендикмин.
Түшүнгүн жашоосун,
Жүрөктөгү кесиптин.

Кайырма:
Таарынбачы, сен, таарынба,
Кызганыч гүлүн тагынба.
Жайдары күлүп сен жүрөктүн,
Жылдызы сен тагында.

Жылуу сөз арнасам, жагалданган кыздарга,
Кыюу көз мага салып суранамын, кызганба.
Баары бир сендикмин, нуру жанган жалгызым,
Калтырба жүрөктү, сүйүүдөгү ызгаарга.

Кызганба, кызганба,
Сени сүйөт жүрөгүм.
Кызганба, кызганба,
Айдай сулуу чүрөгүм.

Булбул үнүн угуп багынам,
Узак калган жаздын гүлүн сагынам.
Лира десте жасап алып ышкындан,
Күтөм сени карегиңдин таңынан.
Арманым жок азабыңды тартсам да,
Таалайыма гүл өстүрчү жаңыдан.

Кайырма:
Жалооруймун элесиңе билеби?
Арзуумдун болор бекен тиреги?
Насип буйруп дилди баар даарыса,
Ышкы аптабын сезер бекен жүрөгү?
Мээримиңе мээримимди ширетип,
Алоосуна тартар бекен тилеги?

Булак үнүн угуп сүйүү аскадан,
Улуу тоого арзуумду айтып даттанам.
Лазатына тартылам булактын.
Кырчын чактын дарчасына баш багам,
Ашыктыктын гүлүн тигип жолуңа,
Таңды тосуп барткансыйт кош кадам.

Кайырма:

Шашып-шашып чыгат менин добушум,
Аяз чырмап баратат бийим конушу.
Ырайымдуулук каалгасын кең ачып,
Иликтечү күндүн кутман болушу.
Периштедей бир көрүнүп көзүмө,
Ашыктыктын баштап койдуң согушун.

Кайырма:

Таарынбай келчи,
Сүйүктүүм менин
Күтөмүн сени,
Эскерем сенин кылыгың ай
Назданып жүрөсүң ай,
Кыйнаба мени,
Сырлуу түн кечки
Кара көз селки,
Эстедим сени, сүйүктүүм ай
Жалгызым жаркыным ай.

Кайырма:
Убара кылбай мени
Сезчи жүрөктөгү арманымды.
Жүрөгүм сыздап, кыйнап
Кайра, сени эстеп жамалыңды.
Айрылгым келбейт сенден,
Сага, гүлүм терип барамын,
Таарынсаң мага,
Кайра жаным көңүлүңдү аламын.

Арбалчы мага, айтаарым сага,
Сүйүүмдү сындап,
Жанымда жүрчү ардагым ай,
Жанашып жаркыным ай.
Бир келет сүйүү,
Кайрылбайт артка,
Тартынбай кайра,
Жанаша жандап талпыналы
Жаштык кез сүйүү балы.