Өкүнүп өткөндөргө,
Кусалык жүрөгүмдө.
Сагынып жашап келем,
Зарыгып ак сүйүүңө.
Талпынам бир өзүңө,
Жетсем дейм ал күндөргө.
Алгачкы ак сүйүүнү,
Тутантсак чогуу бирге.

Кайырма:
Жалынамын кайрылып келчи мага,
Сагынамын нур чачкан жылдыз жүзүң.
Жалбарамын жалгыз бир Жараткандан,
Берчи сүйүүмдү кайра мага.

Билинбей мезгил учат,
Убакыт сенсиз сызат.
Ыргалган биздин дарак,
Ый менен муңдуу турат.
Келсеңчи, жаным, эми,
Алоо сүйүү деми.
Өзүңдү жоготсом мен,
Сүйүүнү таш боор деймин.

Кайырма:

Абалымды билип мени түшүнбөдүң,
Оорубадым, бирок өкүнбөдүм.
Мүнөзүңдү жеңил, сезип кеч болсо да,
Түшүнгөнмүн, өкүнбөдүм.

Кыйнап жатып күлүп, мени түшүнбөгүн,
Кылыгыңды эстеп түңүлгөнмүн.
Жолугам деп келип, билгин, тынчым алып,
Өтүнбөгүн, өтүнбөгүн.

Кайырма:
Кайгырбаймын, кайрылбаймын,
Башка сүйүүм, кайгырбаймын.
Сагынбаймын, жалынбаймын,
Жалган сүйүп, кайгырбаймын.

Кабарыңды алып, сага жолукпаймын,
Кайгы тартып, жүрөк оорутпаймын.
Сезимимди таза, ыйык махабатка,
Толуктаймын, толуктаймын.

Көздөрүңдү сенин унутпаймын,
Түштөрүмдү сен деп жорутпаймын.
Көңүлүмдү түзөп эми башка адамга,
Сунуштаймын, сунуштаймын.

Кайырма:

Баалабайсың сен баркымды,
Кармабадың го антыңды.
Байлабайсың сен бактымды,
Тагдырымды.
Махабаттан баш тарттыңбы?
Башка адамды сен таптыңбы?
Бакытыңды, өз сүйгөн адамыңды,
Сен таптыңбы?

Кайырма:

Туюлган арзуулардай,
Алгачкы махабатым,
А бирок азыр армандай.
Куюндап учкан чаңдай,
Кайрылбай бара жатат,
Сүйүгөнүм менин алыстай.

Кайырма:

Дирилдеп жүрөгүм эзилгенсийт,
Эгизин жоготуп, жалгыз калгандай.
Махабат мүрөгүм соолуп баратат,
Менин...

Буулугуп учкан куштай,
Армандан сыздап кеттим,
Айта албай, ичимен ыйлай.
ким үчүн тагдыр кыйнайт,
Айрылтып жүрөктөрдү?
Бирине-бирин буюрбай.

Кайырма:

Ашыгамын, бактымды издеп келем,
Ачыламын, сүйгөнүм аңсап келем.
Ашык болдум, кыялда жылдыз болуп мен сага келем,
Кубанамын, кучагымды жайып.
Махабаттан тапкан бактыма.

Кайырма:
Аңсаган махабатым сен болдуң,
Эркимди байлап алдың.
Толгондум түш көрүп, түн уйкумдан,
Мен сендеп ойгондум.

Кубанамын, жан дүйнөм жайнап турат,
Махабатым, сезимге жайды кучак айырбагын.
Жараткан жакынымдан суранам сенден,
Бирге болом, өткөзүп сезимдердин бийик чыныгы.

Кайырма:

Өтөсүң күндө кыйгачтай басып,
Жүрөккө сүйүү учкунун чачып.
Өтөсүң күндө кашыңды кагып,
Жүрөккө сүйүү алоосун чачып.

Кайырма:
Жылдызсыңбы, нур кызсыңбы?
Карегиме кайсы күнү чагылдың?
Издеп жүрөм алоосунан,
Мен жалындын.

Бүт жылуулук, бүт сулуулук,
Ээлеп алды сезимди.
Сапарына, катарына кошуп алды өзүмдү.
Арылып түн, нур чачты күн,
Көктөн нөшөр төккөндөй.
Сезди, жаным, анын талын,
Жароокер кыз өпкөндөй.

Өтөсүң күндө гүл алып колго,
Өтсө деп күндө эки көз жолдо.
Өтө бер күндө, өткөнүң өмүр,
Өрттөсөң дагы өзүңдө көңүл.

Кайырма:

Суктантат сенин келбетиң,
Сунайын сүйүү берметин.
Жактырбай сүзүп көзүңдү,
Жаралуу кылба сезимди.
Унутпайм күткөн мезгилди,
Жүрөктөн арнап сезимди.
Уурданып сүйүп мен сени,
Уйкудан калган кезимди.

Кайырма:
Оюмда сенсиң,
От болуп жанган.
Жүрөмүн жетпей,
Сүйүүңө арман.
Көрүнүп койчу,
Кусадар кылбай.
Ашыкмын сага,
Ашыкмын абдан.

Жадабай жолуң караймын,
Жалынып сүйүп, самаймын.
Угар деп менин үнүмдү,
Өзүңө карай барамын.
Жүрөгүм толуп кусага,
Чыдабай барам ызага.
Толтуруп сүйүү кесесин,
Тойгузчу мени, садага.

Кайырма:

Сени таппай издеп жүрөм,
Карааныңа зар болуп.
Айтчы, менин кайсы күнөөм?
Жүрөк сыздайт, ый толуп.

Кыйналам түндө уктабай,
Күтүүдөн көңүл калбай.
Келчи эми, асыл ардагым,
Агарып аткан таңдай.

Жылытчы тоңгон жүрөктү,
Кусалыгым жүдөттү.
Күтүүдөн жүрөк чарчады,
Азаптуу күндөр өттү.

Көздөрүң сенин карагат,
Көңүлдү эзип, жаралап.
Көөдөндө толгон кусалык,
Ыр болуп сага арналат.

Кумар көз, назик жүрөгүм,
Сен ыйласаң сыздайт жүрөгүм.
Сүйүүнүн кудурети, жүрөгүм туйлап кетти.
Сүйүүм ашып барат бир сага.

Улуу тоодон гүлдөр терсем дейм,
Бир өзүңө тартуу кылсам дейм.
Сунган гүлүм аласыңбы?
Же жактырбай чанасыңбы?
Сүйүүм ашып барат бир сага.

Мен сенин айдай жүзүңө,
Кумарланам кара, кара көзүңө.
Сен ишенип кой сөзүмө,
Сүйүүм ашып барат, оттой жанып.
Сенин өзүңө...

Билбепмин көздөрдүн картаярын жансыз айлардан,
Билбепмин сөздөрдүн картаярын учкан шамалдан.
Эмне үчүн тагдырлар табыша алышпайт өз убагында?
Мезгил жетип сезимдер ачылганда, турмуш өз шамалында,
Ойлорум тамчы агылды да калды.

Билбепмин сезимдин картаярын үнсүз жамгырдан,
Билбепмин шамалдын учурарын бизди ар тарапка.
Эмне үчүн тагдырлар табыша алышпайт өз убагында?
Мезгил жетип, сезимдер ачылганда, турмуш өз шамалында,
Ойлорум тамчы агылды да калды.

Ала-Тоонун ары жагында,
Кыздар ойноп жатышат.
Шакектерин жоготушуп,
Бизден көрүп жатышат.
Ай, ай, ай, ай, жаман экен кыздар, ай.

Ала-Тоонун ары жагында,
Балдар ойноп жатышат.
Калпактарын жоготушуп,
Бизден көрүп жатышат.
Ай, ай, ай, ай, жаман экен балдар, ай.

Ала-Тоонун ары жагында,
Кыздар ойноп жатышат.
Шакектерин таап берсек,
Бизге рахмат айтышат.
Ай, ай, ай, ай, жакшы экен балдар, ай.

Ала-Тоонун ары жагында,
Балдар ойноп жатышат.
Калпактарын таап берсек,
Бизге рахмат айтышат.
Ай, ай, ай, ай, жакшы экен кыздар, ай.

Балдар ай,
Кыздар ай.

Түшүмө кирдиң түндө,
Күмүш жал чабдар атчан.
Алыпсың бир аз жүдөп,
Чачыңды буурул баскан.
Болдубу алда неме,
Жүдөдүң анча неге?
Аттиң, ай, жашайт тура,
Беш миң жыл арча деле.

Мүмкүн, сен болот элең,
Абышка аппак сакал.
Ызаттап, калк кадырлап,
Ар сөзүң болуп макал.

Уулуңдун уулун көрүп,
Турбадың мээрим төгүп.
Ошону эстегенде,
Чиркин, ай, жүрөктү өйүп.
Түшүмө кирчи дагы,
Кайраттуу, мурункудай.
Жүрөктө жүрчү дайым,
Эч качан унутулбай.

Сага арнап, сени эскерип,
Эч нерсе жасай албайм.
Тек гана жүрөм эстеп,
Атаке, атакебай.

Атакем, ай, акыл айтып чоңойттуң,
Ыйлап ийсем шашып кетип соороттуң.
Эми сизге ак тилегим билгизем, атакем,
Бакытын көр эң бактылуу жомоктун,
Таалайын көр эң таалайлуу жомоктун.

Кудай колдоп аткарылсын оюңуз,
Каалаарыбыз дагы көпкө толуңуз.
Куттуу үйдүн кубанычын арттырып, атакем,
Эл ичинде эсен-аман болуңуз,
Калк ичинде кадыр-барктуу болуңуз.

Кыргызымдын кымбат наркын сактайлы,
Бийик тутуп ата-энени барктайлы.
Коломтонун оту болгон атакем,
Эртеби кеч эмгегиңиз актайлы,
Дайым сыйлап жакшы сөздү арнайлы.
Ата-энени урматтайлы, барктайлы.

Жаз күнүндөй татына, сулуусуңар,
Жигиттердин жүрөгүн элжиретип, кыздар.
Жанды эритет назданып турушуңар,
Айдай сулуу биздин кыздар.

Кайырма:
Кыздар... Кыздар...
Болбогула жигитке кайгы муза.
Түбөлүккө сүйүп жүрүп өтөлүчү, кыздар,
Күн келбесин силер үчүн жүрөк музда.
Биздин кыздар.

Силерсиңер жашоодо бүтпөс кумар,
Каректерден төгүлгөн мээримиңер, кыздар.
Жарык чачып, өмүрдү узартып турар,
Айдай сулуу биздин кыздар.

Кайырма:
Кыздар.. Кыздар...
Болбогула жигитке кайгы муза.
Түбөлүккө сүйүп жүрүп өтөлүчү, кыздар,
Күн келбесин силер үчүн жүрөк музда.
Биздин кыздар.

Санаанын жүгүн артынып,
Сагынып келдим шашылып.
Бут тоскон адамдарга,
Ишенбей жалгандарга,
Жолуктук элден жашынып.

Сүйдүм го бала кезимден,
Ал күндөр кетпейт эсимден.
Көзүмдөн аккан жашым,
Ысытып карындашым,
Акты го менин бетимден.

Махабат кандай улуулук,
Маңдайга жазган сулуулук.
Бар беле жашырганың?
Ыйладың неге, жаным?
Өксүдүң айтпай буулугуп,
Ыйладың неге буулугуп?

Жүрөктү жалган кыйнады,
Сезимим сени кыйбады.
Көзүңдү карап турдум,
Өзүңдү аяп турдум.
Түн дагы сен деп ыйлады,
Коюу түн кошо ыйлады.

Жаныңда дайым болоюн,
Бакытка салып ороюн.
Көтөрүп көңүлүңдү,
Көп тилеп өмүрүңдү,
Сүйүүңө сенин толоюн.

Көздөрүң нурун жанып,
Жүрөктүн отун жагып,
Карагым, кайда кеттиң?
Зарыгып сени күтсөм,
Сагынтып жүрөктү эздиң.
Күлгөнүң шыңгыр булак,
Өзүңдө күлгүн курак,
Арманга мени салдың.
Артыңдан бара албай.
Алоолоп күйүп-жандым.

Кайырма:
Күндөрүм өтөт сенсиз арманда,
Көрөмбү, жаным, сени жалганда?
Кайдасың, кара көзүм?
Кайрылып келчи мага.

Берметтей күйүп-жанып,
Сөзүңдүн балы тамып,
Ээледиң беле жүрөктү?
Отурам сени самап,
Ортодон далай күн өттү.
Дарегиң таппай келем,
Дайынын айтпайт белең,
Мынча не жанды кыйнадың?
Жел менен учуп сага,
Жетеби менин ырларым?

Кайырма: