Бишкектин көчөлөрүндөгү талапка жооп бербеген 52 даана көрнөк-жарнак алынды

Бишкек мэриясына караштуу “Тазалык” ишканасынын жана мамлекеттик тилди өнүктүрүү бөлүмүнүн кызматкерлеринин көмөгү менен Бишкек шаарынын көчөлөрүндөгү эскирген жана талапка жооп бербеген 52 даана көрнөк-жарнак алынды. Мэриянын басма сөз кызматы билдиргендей, 9-апрелде шаардын Ибраимов, Чүй, Жибек Жолу, Элебесов көчөлөрүндө рейд жүргөн. Мындай иш-чаралар мэриянын “Бишкек шаарынын көркөм-эстетикалык көрүнүшүн жакшыртуу чаралары” токтомунун негизинде уюштурулууда.