Президенттикке талапкер Өмүрбек Бабанов абакта жаткан жана куугунтуктагы саясатчылар туурасында оюн айтты

Мен президент болсом камакта жаткан саясатчылар күнөөсү жок болсо бошотулат. Бул тууралуу бүгүн, 15-октябрда президенттикке талапкер Өмүрбек Бабанов Бишкек шаарындагы №1216-шайлоо тилкесинде добуш берүү учурунда билдирди.

"Кудай буюрса, мен президент болуп калсам абакта жаткан жана башка саясий куугунтуктагы саясатчылардын иши баары мыйзамдуу түрдө каралат. Эгерде алардын күнөөсү болсо камалат. Күнөөсү жок болсо бошотулат. Биз сотторду көз карандысыз кылабыз. Ал үчүн өлкө башындагылар сотторго телефон чалып аларга иш козгобосо, мажбурлабаса соттор мыйзамдуу чечим кабыл алат. Ошондой шартты мен түзүп берем", - деп билдирди Бабанов.

Эске салсак, буга чейин Өмүрбек Бабанов үй-бүлөсү менен Бишкек шаарындагы №1216-шайлоо тилкесине добуш берген.