Президенттикке талапкер Өмүрбек Бабанов ар бир шайлоо тилкесинде 3төн кем эмес байкоочулары бар экенин айтты

Биз БШК менен бир учурда таза саноо жүргүзөбүз. Бул тууралуу бүгүн, 15-октябрда президенттикке талапкер Өмүрбек Бабанов билдирди.

"Биз шайлоо учурунда таза саноо ишин жүргүзөбүз. Ал үчүн бизде өлкөдөгү ар бир шайлоо тилкесинде байкоочуларыбыз бар. Алардын саны ар бир тилкеде аз дегенде 3төн адам. Байкоочуларыбыз ар бир эки саат сайын маалымат берип турушат. БШКнын саноосуна кошумча биз жүргүзгөн саноону карап турушуңуздарды сунуш кылам. Мында кол менен саналган бюллетендин саны, электрондук саноо баарынын эсеби чыгарылып турат. Кечки саат 21:00дө баары белгилүү болот. Мен ишенем элибиз алдыга жолду тандайт", - деп билдирди Бабанов.

Эске салсак, буга чейин Өмүрбек Бабанов үй-бүлөсү менен Бишкек шаарындагы №1216-шайлоо тилкесинде добуш берген.