OnePlus 7 Pro эң мыкты камералуу смартфондордун алдыңкы үчилтигине кирди

OnePlus 7 Pro эң мыкты камералуу смартфондордун алдыңкы үчилтигине кирди. Бул тууралуу чет элдик маалымат каражаттары жазып чыгышты.

Маалыматка ылайык, OnePlus кыйла эле айрымаланып iPhone XS Max жана Xiaomi фирмасынын смартфондорунан ат чабым алдыга кеткен.

Жаңы OnePlus 7 Pro расмий түрдө коомчулукка буга чейин көрсөтүлгөн. Аны DxOMark сүрөт лабораториясынын адистери атайын тестирлөөдөн өткөзүшкөн. Адистердин корутундусу смартфонду расмий түрдө элге көрсөтүлүп жатканда угузулган.

Жалпы рейтингде OnePlus 7 Pro өзүнүн 111 баллы менен 3-орунга жазылган. Адистер смартфондордун негизги камерасын гана тестирлөөдөн өткөрүшкөн. Алар OnePlus 7 Pro`нун камерасы тез убакыт ичинде фокус алып, сүрөттөгү ар бир деталды мыкты кылып тартаарын белгилешкен. Ошондой эле алар так экспозицияга жана жогорку динамикалык диапазонго жакшы деген баасын беришкен.

Бирок адистер селфи-камераны тестирлөөгө алган мезгилде негизги камерадай иштей албагандыгы айтылган. Ал 86 баллга ээ болуп, жалпы рейтингде 6-орунду алган. Ал эми бул жаатта биринчи орунду 97 балл менен Samsung Galaxy S10 5G алган.