"Кыр көрсөтүп койбойлубу?". Депутат кесиптешинин дарегине уят сөз жазган мэрдин кеңешчисине нааразы

Бүгүн, 21-майда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин отурумунда депутат Махабат Мавлянованын дарегине "пошла на*уй" деп жазган мэрдин кеңешчиси боюнча маселе көтөрүлдү.

"Парламенттик комитеттин төрагасы, кесиптешибиздин жазган постуна мэрдин кеңешчиси ар кандай сөздөрдү жазып жатат. Бул нерсе коомчулукта катуу талкуу болууда. Кыр көрсөтүп койбойлубу?" - деди Төрөбаев.

Кечээ депутат Махабат Мавлянова келиндерди тойго төшү жана далысы ачык, чыпташып турган көйнөктөрдү кийбөөгө чакырган. Бишкек мэринин кеңешчиси Гуля Алманбетова депутаттын чакыруусу боюнча "пошла на*уй" деген пост жарыялаган. Мэриянын аппарат башчысы Балбак Түлөбаев Алманбетова мыйзам чегинде иш тартиптик жазасын аларын айтып, мэриянын атынан кечирим сураган.