Бир апта акысыз ташыйт. Бүгүн Өзбекстандан алып келинген автобустар линияга чыкты

Бүгүн, 22-июнда Бишкекте коңшу Өзбекстандын өндүрүшүндөгү япон ISUZU брендинин газ менен жүрүүчү 50 экологиялык автобустары линияга чыкты. Бул тууралуу шаардык мэриядан билдиришти.

Маалыматка ылайык, автобустардын узундугу 6,9 метр, эки эшиги бар, жүргүнчүлөрдүн сыйымдуулугу - 38 адам, 16 орундуу.

Бишкек шаардык мэриясынын шаардык транспорт башкармалыгы жаңы автобустардын каттам схемаларын иштеп чыкты. Эми Өзбекстандын өндүрүшүндөгү жаңы автобустар төмөнкү схемалар боюнча жүрөт:

- №10: Ак-Ордо конушу - айланма жол;

- №11: Ак-Ордо конушу - айланма жол;

- №12: Маевка айылы - Көк-Жар айылы;

- №13: Муромская көчөсү - Кырман конушу;

- №14: 12 кичи район - Ак-Ордо конушу.

Аталган автобустар бир апта бою жүргүнчүлөрдү акысыз ташыйт. Бул акция шаардыктар жана борбор калаанын коноктору үчүн белек.