"Балдар ойнобой качышат, ал тургай алардын ата-энелери көз кыры менен карап өтүшөт". Омурткасы кыйшык өскөн Элхандын кыялы

Токмок шаарынын тургуну Айзат Бакиева тагдырдын оор сыноосун 12 жылдан бери уулу Элхан менен бирге тартып келет. Баланын кайгысы ата-эненин да кайгысы болот тура.

Элханга кифосколиоз же омуртка тутумунун ийилип, кыйшык өсүүсү деген диагноз коюлган. Төрөлгөндөн тартып сөөктөрү кыйшык өсүп, соңку жылдары абалы тездик менен оорлошууда. Сөөктүн туура эмес өсүүсүнүн себептери боюнча азыркы күнгө чейин бир да дарыгер так түшүндүрмө бере элек. Бирок Элхандын алдыда башка балдардай болуп ойноп, күлүп өсүүсүнө бир жол бар, ал Түркия өлкөсүндө жасалуучу операция. Оор жана 3 этаптан турган операцияга 55 миң доллар керектелет.

Айзат Бакиеванын Элхандан сырткары 4 баласы бар, ал көп балалуу жана аз камсыз болгон үй-бүлөлөргө киргендиктен мындай ири суммадагы каражатты чогултууга күчү жетпей, кайрымдуу элден жардам сурайт.

Элхан 5 бир тууган, ал уулдардан жалгыз, 4 кыз бир туугандары бар. Апасы үйдө балдары жана Элхандын саламаттыгы менен алектенсе, атасы айдоочу болуп иштеп, тапканы күнүмдүк турмуш-тиричиликтеги керектөөлөрдөн ашпайт. Мамлекеттен Элханга 4000 сом жөлөк пул алышат. Учурда ата-эне болгон акчаны үнөмдөп, Элхандын операциясына чогултуп жаткан чагы. Толугу менен видеодон көрүңүздөр.

Элханга жардам берүүнү кааалагандар үчүн реквизиттер:

Сбербанк: 4279380683488847 - Азиз Адиллаев;
Элсом: 0703932874 - Айзат Бакиева.