"Алгач эл кандай кабыл алат деп корктум". Кофейняда иштеп жүрүп кофеден сүрөт тартканды өздөштүргөн сүрөтчү (видео)

Кофе ичүүчү жайда иштеген Нурлан Дүйшөнбековдун тарткан сүрөттөрү башкалардан айырмаланат. Анткени ал боёк колдонбойт, кадимки биз ичип жүргөн кофеден түрдүү сүрөттөрдү тартат. Азырынча сүрөтчүлүгүн хобби катары кабылдаган маектешибиз кофе менен сүрөттү кантип жеткиликтүү тартса болорун айтып берди.

"Өз кесибим боюнча экономистмин. Бирок сүрөт тартканга кызыгам. Окууну бүтүп жатканда кесип тандоодо ар кандай ойлор болуп отуруп экономистти тандагам. 5 жыл окуп бүткөн соң кайра эле өзүмдүн жүрөгүмө жакын болгон хоббиме жакындап, атүгүл, боёктор менен эмес, кофенин жардамы менен сүрөт тарта баштадым. Алгач тартып жүргөндө коркуп, эл кандай кабыл алат деп ойлочумун. Анан эле бир кофе ичүүчү жайда иштеп калдым. Ошол жерден дагы да өздөштүрүп, керек болсо тарткан сүрөтүмдүн алгачкы жолу сатыкка койгом", - дейт Нурлан Дүйшөнбеков.

Маекти толугу менен видеодон көрүңүз.