"Май куюучу жайлар жабылып калышы мүмкүн". Нефтетрейдерлер ассоциациясы коңгуроо кагууда

Кыргыз өлкөсүнүн Нефтетрейдерлер ассоциациясы күйүүчү май рыногунда алдыда критикалык жагдай жаралат деп коңгуроо какты. Тагыраагы, аталган ишкана бензин, дизель майына болгон бааны кармап туруу өлкөдөгү май куюучу жайлардын жабылышына алып келет дейт.

Ассоциациянын берген маалыматына караганда, нефтетрейдерлер Кыргыз өлкөсүндөгү күйүүчү май рыногундагы учурдагы оор кырдаалга өтө тынчсызданышууда. Алар октябрдын башында Орусияда мунайды кайра иштетүүчү заводдордо баанын кескин жогорулаганын эскертишет. Баалар 2021-жылдын сентябрынан тарта тоннасына 100 доллардан ашты. Орусияда мунайга болгон баанын өсүшүнө суроо-талаптын жогорулашы жана чектелген сунуш таасир эткен.

• Казакстан ички рыноктогу тартыштыкты жоюу үчүн Орусиянын заводдорунан 150 миң тоннага жакын мунай продуктыларын сатып алды;
• Орусиянын эки ири мунай иштетүүчү заводу - Омск мунай иштетүүчү заводу жана Орск заводу жылдык пландуу тейлөө үчүн жабылган.

"Октябрь айында Кыргыз өлкөсүнө күйүүчү майды жеткирүүнүн баасынын кескин өсүшү республиканын бардык региондорунда 40тан ашуун май куюучу жайлардын сакталышына таасирин тийгизди. Күйүүчү майдын баасын ички рынокто мындан ары кармоо бүтүндөй республика боюнча май куюучу жайлардын ишин токтотууга алып келет.

Бүгүнкү күндө Кыргыз жергесинде күйүүчү майдын баасы май куюучу жайдын стеласында көрсөтүлгөн чекене баадан 8,9 сомго жогору.

Нефтетрейдерлер ассоциациясы калкты жана бийликти күйүүчү май рыногундагы учурдагы абалга түшүнүү менен мамиле кылууну суранат. Мунайга жана мунай продуктыларына баанын өсүшү дүйнөлүк тенденция, ал эми Кыргыз өлкөсү импорттон көз каранды болгондуктан тышкы факторлордун таасирин тең салмактай албайт.

Күйүүчү майдын чекене баасын 2021-жылдын аягына чейин беките ала турган жалгыз механизм - мунай продуктыларына салык салуу системасын убактылуу жөнгө салуу", - деп айтылат ассоциациянын билдирүүсүндө.

Ассоциациянын эсептөөлөрү боюнча, мындай чаралар күйүүчү майдын баасы литрине 8,9 сомго кымбаттоону жыл аягына чейин жылдырат.