Башталгыч класстын окуучуларынын тамак-ашына бөлүнгөн акча 14 сомго көбөйтүлөт

Мамлекеттик мектептердеги башталгыч класстардын окуучуларынын ысык тамагына бөлүнгөн акча кийинки жылы 14 сомго көбөйтүлөт. Бул тууралуу кечээ, 20-ноябрдагы Жогорку Кеңештин жыйынында финансы министринин орун басары Жибек Дүйшеева билдирди.

Бюджет, экономика жана фискалдык саясат комитетинин жыйынында келерки жылдын бюджети талкууланды. Анда депутаттар мектептеги, бала бакчалардагы балдардын тамак-ашына каралган акчанын көлөмүн сурашты.

Депутат Эмил Токтошев мектептерди окуу китептери менен камсыз кылуу, ысык тамак уюштуруу маселесине өзгөчө көңүл бурду. Эл өкүлү балдар өлкөнүн келечеги экенин эскертип, алардын тамак-ашынан акча аябоого чакырды.