Пакистан менен Ооганстан Орозо айт майрамына карата ок атышууну токтотушат

Пакистан менен Ооганстан Орозо айт майрамына карата ок атышууну убактылуу токтотушканын чет элдик басылмалар жазышты.

"Жакындап келе жаткан мусулмандардын Орозо айт майрамына байланыштуу, биздин демилгебиз жана бир тууган мусулман өлкөлөрүнүн өтүнүчү боюнча Пакистан бийлиги Ооганстандагы террористтерге жана аларды колдоочу инфраструктурага каршы жүрүп жаткан операциясына убактылуу тыныгуу жарыялоону чечти",- деген Пакистандын маалымат министри Аттаулла Тарар.

Ал ок атышууну токтотуу 19-марттан 24-мартка чейин болорун белгилеген. Тарар эгерде Ооганстан бул күндөрү Пакистанга кандайдыр бир кол салууга аракет кылса, ок атышууну токтотуу дароо кайра жанданарын билдирген.

Көп өтпөй Ооган бийлиги да аскердик операцияларды токтотуу ниетин жарыялаган. Талибандын өкүлү Забихулла Муджахид бул чечим башка мусулман өлкөлөрүнүн өтүнүчтөрүнө жооп катары кабыл алынганын баса белгилеген.

Пакистан менен Ооганстандын ортосундагы мамилелер, айрыкча, көптөн бери чыр-чатактар ​​​​уланып жаткан чек ара чыры чыңалган бойдон калууда.