Кара-Сууда жол кырсыгы 5 адамдын өмүрүн алды

Кара-Суу районунда катталган жол кырсыгынан 5 адам кайтыш болду. Маалыматты Ош облустук жол кыймылынын коопсуздугун камсыздоо башкармалыгы тастыктады.

Маалыматка ылайык, каргаша 13-апрелде Бишкек - Ош жолунда, Тойчу айылынын тушунда болгон. Honda жана Mercedes үлгүсүндөгү унаалар сүзүшүп, 19, 20, 25, 62 жана 72 жаштагы жарандар каза болушкан. Кырсыктаган дагы 6 адам ооруканага жеткирилген. Ооруканадагылардын арасында жаш балдар бар экени кошумчаланды.