Аскада калган кытайлык менен кыргызстандыктар куткарылышты (видео)

Таластагы Беш-Таш аскалуу тоосунда түшө албай калышкан Кытай жараны жана 2 кыргызстандык куткарылды. Бул тууралуу Өзгөчө кырдаалдар министрлигинин Талас башкармалыгы билдирди.

Маалыматка ылайык, алар тоо бооруна чыгып, багытын жоготуп, кайра түшүү жолун таппай адашып калышкан. Натыйжада, куткаруу ишине 10 куткаруучу жана жаратылыш ресурстары тармагындагы кызматкерлер тартылышкан. Куткаруучулар аларды аман-эсен табышып, тоодон коопсуз түшүрүшкөн.

Учурда куткарылган жарандардын абалы канааттандырарлык.