Таш-Көмүрдө сел жүрүп, аймактардын бири көчкү алдында калды

Жалал-Абад облусунун Таш-Көмүр шаарында нөшөрлөп жааган жамгырдан улам сел жүрүп, айрым аймактарды суу каптады.

Өзгөчө кырдаал шаардык архитектура башкармалыгынын имаратынын артында катталган. Ал жерде көчкү жүргөнү маалым болду. ӨКМ билдиргендей, буга чейин аталган аймакка эски оорукананы бузгандан кийин курулуш таштандылары төгүлгөн.

Адистердин айтымында, катуу жаан-чачын менен курулуш калдыктары жер кыртышын бошоңдотуп, көчкүнүн жүрүшүнө себеп болушу мүмкүн.

Учурда тургундарга кооптуу жана суу каптаган аймактарга жакындабоо эскертилди.