Министр Ысык-Көлдүн жолдорун текшерди

Транспорт министри Талантбек Солтобаев Ысык-Көл облусуна болгон иш сапарынын алкагында аймактагы эл аралык жана ички маанидеги унаа жолдорунун курулуш, реконструкциялоо жана оңдоп-түзөө иштеринин сапаты менен таанышты.

Министрликтин маалымат кызматы кабарлагандай, Солтобаев жолдордун учурдагы абалына комплекстүү мониторинг жүргүзүп, курулуш иштерин өз убагында жана сапаттуу бүткөрүү боюнча тийиштүү кызматтарга бир катар тапшырмаларды берген. Министр туристтик сезондун башталышы менен жолдордогу кыймылдын коопсуздугун жана ыңгайлуулугун камсыз кылуу башкы милдет экенин белгилеген.