Тегеран Ормуз кысыгы белгисиз мөөнөткө жабылганын тастыктады

Иран тарап Ормуз кысыгы белгисиз мөөнөткө жабылганын тастыктады. Бул тууралуу "The Times of Israel" басылмасы маалымдаган.

Мындай чечим аймактагы чыңалууга байланыштуу кабыл алынган. Ошондой эле Ормуз кысыгы аркылуу өтүүгө уруксат алган кеме компанияларга жана кеме операторлоруна кийинки көрсөтмөлөрдү күтүү сунушталган.

Ормуз кысыгы – дүйнөдөгү мунай жана суюлтулган жаратылыш газын ташуучу эң маанилүү жолдордун бири. Ал аркылуу Перс булуңундагы өлкөлөрдүн энергия ресурстарынын дүйнөлүк экспортунун олуттуу бөлүгү өтөт.

Буга чейин АКШнын Борбордук командачылыгы президент Дональд Трамптын буйругу менен Ирандагы бир катар объекттерге соккулар жасалганын билдирген. Чабуулдардан Ирандын түштүк аймактары жабыркаган. Бул кырдаалга байланыштуу Кувейт аба мейкиндигин убактылуу жапканын жарыялаган.