Супер-Инфо
super.kg видео
Иран Катар менен АКШга байланыштуу активдер боюнча сүйлөшүүлөрдү өткөрөт
Ирандын Тышкы иштер министрлиги жакынкы күндөрү Катар менен сүйлөшүүлөр өтөрүн билдирди. Доха бул процессте АКШ менен болгон диалогдо ортомчу катары катышат.
Иран тараптын маалыматына ылайык, сүйлөшүүлөр негизинен АКШ менен түз келишимдин аткарылышы жана ирандык каржылык активдерди бөгөттөн чыгаруу маселелерине байланыштуу болот.
Ирандын ТИМ өкүлү Исмаил Багаи билдиргендей, жакын арада АКШ өкүлдөрү менен түз жолугушуу пландалган эмес. Сүйлөшүүлөр Катар тарап менен гана өтөт.
Буга чейин Иран президенти Масуд Пезешкиан Катарда кармалып турган 6 миллиард доллар ирандык каражат бошотулушу мүмкүн экенин айткан.
Тегеран бул сүйлөшүүлөр оң жыйынтык алып келет деген үмүттө.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.