Венесуэла бийлиги жер титирөөдө каза болгондордун санын маалымдады

Венесуэладагы жер титирөөлөрдөн каза болгондордун саны 3 миң 530 адамга жетти. Бул тууралуу өлкөнүн Улуттук ассамблеясынын төрагасы Хорхе Родригес билдиргенин чет элдик басылмалар жазышты.

Маалыматка ылайык, жабыркагандардын саны 16 миң 700дөн ашты, 17 миң 800 венесуэлалык турак жайсыз калды.

Өлкө өкмөтү ушул убакка чейин дайынсыз жоголгондордун расмий санын жарыялай элек. Ал эми Бириккен Улуттар Уюму 50 миңден ашуун адам дагы эле дайынсыз болуп жатканын билдирүүдө.

Эске салсак, 24-июнда Венесуэлада күчү 7,2 жана 7,5 баллга жеткен эки жер титирөө катталган. Андан кийин 700дөн ашуун афтершок (кайталанган жер титирөөлөр) болгон.

Эң чоң кыйроолор Ла-Гуайра шаарында, ошондой эле Миранда, Арагуа, Карабобо, Лара жана Яракуй штаттарында катталган.