Кырсыктаган учактын ичиндеги жүргүнчүлөрдүн видеосу тарады

"Манас" аэропортунда авариялык конгон учактын ичиндеги көз ирмемдер тартылган видео социалдык тармактарда тарады.

Видеону жүргүнчүлөрдүн бири тартып алган. Анда учактын ичиндеги ызы-чуу, жүргүнчүлөрдүн тынчсызданган учурлары жана эвакуацияга даярдык көрүлүп жатканын көрүүгө болот.

Алдын ала маалымат боюнча, "Tez Jet" авиакомпаниясына таандык учактын арткы дөңгөлөгүндө көйгөй жаралып, учак авариялык конууга аргасыз болгон. Жүргүнчүлөр эвакуацияланды. Оор жаракат алгандар жок, бирок айрым жарандарга медициналык жардам көрсөтүлүп жатканы айтылууда.