Энергетика министри кышында электр жарыгы пландуу өчүрүлбөй турганын билдирди (видео)

Энергетика министри Алтынбек Рысбеков кыш мезгилинде өлкөдө электр жарыгын пландуу өчүрүү болбой турганын билдирди.

Журналисттердин суроолоруна жооп берген министр учурда күз-кыш мезгилине даярдык жүрүп жатканын белгилеп, алдын алуу иштери күчөтүлгөнүн кошумчалады. Ал эми авариялык кырдаал жаралса, аны кыска мөөнөттө жоюу үчүн атайын бригадалар күчөтүлгөн тартипте иш алып барышат.