Дүйнөгө белгилүү мушкер Ысык-Көлгө суктанган билдирүү жасады

Дүйнөнүн бокс боюнча абсолюттук чемпиону Эвандер Холифилд Instagram баракчасына Ысык-Көлдөн түшкөн сүрөттөрүн жарыялап, көлгө болгон суктануусун билдирди.

"Ысык-Көл – чыныгы кооз жер! Тарыхый жерлерди көрсөтүп, сонун түшкү тамак уюштургандыгы үчүн спикер Марлен Маматалиевге чоң рахмат",- деп жазды ал.

Эске салсак, Холифилд Бишкекте өткөн эл аралык профессионалдык бокс кечинин ардактуу коногу болгон. Ал өлкөгө 30-июнда келген. Жогорку Кеңештин төрагасы болсо аны Ысык-Көлдө кабыл алган.