Раззаков шаарына коно албай кайткан учак боюнча маалымат берилди

"Кыргызстан аэропорттору" ишканасы "Асман Эйрлайнс" мамлекеттик авиакомпаниясынын учагы боюнча маалымат берди.

Маалым болгондой, Бишкектен Раззаков шаарына барып коно албай келген учакты адистер текшерип, жыйынтыгында аба кемесинен көйгөй аныкталган эмес.

Учурда учак адистер тарабынан дагы тереңирээк текшерүүдөн өтүүдө. Текшерүүнүн жыйынтыгы боюнча кошумча маалымат берилет.

Ал эми авиакомпания азырынча бул окуя боюнча расмий комментарий бере элек.