Орунтаев Бишкектеги үйлөрдү оңдоп-түзөө иштери боюнча айтты (видео)

Курулуш министри Нурдан Орунтаев ШКУ саммитине карата Бишкектеги үйлөрдү оңдоп-түзөө иштери тууралуу маалымат берди.

Айтымында, жарандар жеке турак жай менен көп кабаттуу үйлөрдүн сыртка фасадына бирдей мамиле жасашы зарыл. Тагыраагы, жеке турак жайдын ички жана сырткы көрүнүшүн жасалгалагандай, көп кабатуу үйлөрдүн фасадына да көңүл буруу зарыл.

"Көп кабаттуу үйлөрдүн "ичи меники, сырты сеники" деген туура эмес деп ойлойм. Ал дагы жарандардын мүлкү. Үйдүн ичин жасап, сыртына келгенде көңүл бурулбай калат. Мамлекет колдон келишинче, көп кабаттуу үйлөрдүн көчө тарабындагы сырткы фасадын жасап берип жатат. Ал эми ички фасадын тургундар биригип жасап койсо болот. Анткени бул алардын тийиштүү документтери бар мүлкү",- деди министр.

Видео: Арча Медиа