Кызын жоктогон ата... Тоңдогу жүрөк үшүн алган жол кырсыгы (видео)

Ысык-Көл облусунун Тоң районунда 19-июлда катталган жол кырсыгында бир үй-бүлөнүн үч баласы каза болду. Бул тууралуу жарандык активист Эртай Искаков окуянын видеосун бөлүштү. Анда эркек киши жерде жаткан өспүрүмдү келип кучактап, ары барып айласын таппай кайра келип жатканын көрүүгө болот.

Искaков шектүү унааны саатына 140 чакырым ылдамдыкта айдап келе жатып, каршы тилкеге чыкканын билдирди.

Жол кыймылынын коопсуздугун камсыздоо кызматы аталган окуяда төрт унаа сүзүшкөнүн маалымдады. Анын кесепетинен 16 жаштагы өспүрүм, 4 жаштагы бала жана эки айлык ымыркай көз жумду. Учурда кырсыктын бардык жагдайлары такталып, тиешелүү тергөө иштери жүргүзүлүүдө.