Эми никеге туруу боюнча арызды "Түндүк" аркылуу берсеңиз болот

Кызмат мамлекеттик мекемеси маалымдагандай, эми никеге туруу боюнча арызды "Түндүк" тиркемеси аркылуу берсеңиз болот.

Бул кантип иштейт:

• Демилгечи "Никени каттоо" кызматын тандап, болочок жубайынын ИЖНин көрсөтөт жана Face ID аркылуу идентификациядан өтөт;
• Экинчи тарап билдирүү алгандан кийин маалыматтарды текшерип, макулдугун ырастайт жана өзү да Face ID аркылуу өтөт;
• Экөө тең арызды электрондук колтамга менен кол коюшат;
• Арыз автоматтык түрдө АИС ЖААКка каралуу үчүн жөнөтүлөт;
• Каралгандан кийин жыйынтык жөнүндө билдирүү аласыздар.