Кытай АКШдан Кубага карата коркутууларды токтотууну талап кылды

Пекин Вашингтондон Кубага карата бардык коркутуулардан жана агрессиядан баш тартууну талап кылды. Бул тууралуу Кытайдын Тышкы иштер министрлигинин басма сөз катчысы Мао Нин брифингде билдирди.

"Америка тарап Кубаны күч менен коркутууну дароо токтотуп, ал өлкөгө каршы кандайдыр бир бир тараптуу блокада же санкцияларды киргизүүдөн алыс болушу керек. Кытай өзүнүн улуттук эгемендүүлүгүн коргоодо жана тышкы кийлигишүүгө каршы турууда Кубаны бекем колдоону улантат жана эл аралык адилеттүүлүктү сактоо үчүн бардык тараптар менен иштешет",- деди ал.

Эске салсак, АКШнын президенти Дональд Трамп 5-мартта Вашингтон Иранга каршы операция аяктагандан кийин Кубага байланыштуу келечектеги иш-аракеттердин багытын иштеп чыгууну көздөп жатканын жарыялаган. 27-февралда америкалык лидер АКШ Кубаны көзөмөлдөй аларын билдирген.