"Курулуш: Осмон" тасмасындагы өрт чыныгыбы? Актёрлор көпчүлүктү кызыктырган суроого жооп беришти (видео)

Социалдык тармактарга тараган видеодо актёрлор тасмадагы өрт чыккан көрүнүштөр компьютердик монтаж эмес экенин айтышты.

"Курулуш: Осмон" киносу боюнча көпчүлүк сураган суроо. "Күйгөндө жөн эле монтаж болобу?" деп сурагандарга: "Чындап бензин менен күйөбүз, оюн көрсөтөбүз",- дешти актёрлор. Алар мындай эпизоддор атайын даярдык жана коопсуздук эрежелерин сактоо менен тартыларын кошумчалашкан.

Белгилей кетсек, буга чейин кыргызстандык каскадёр Зияш Турдубеков да "Курулуш: Осмон" сериалына тартылып, тартуу аянтчасындагы тажрыйбасы тууралуу маек берген. Ал сериалдын башкы каарманы Осмон бейдин ролун жараткан белгилүү түрк актёру Бурак Өзчивит менен бир кадрга тартылып, аны менен жолугушуу өзгөчө таасир калтырганын айткан.