Жаңы тренд: Туристтер эс алууга салкын өлкөлөрдү тандап жатышат

Туристтер аптаптуу пляждарда эс алуудан баш тартып, салкын аймактарды көбүрөөк тандай башташты. Бул тууралуу бүгүн, 3-августта чет элдик басылмаларга "Эс алуу борбору жана туризм" компаниясынын жетекчиси Люсинэ Кодякова билдирди.

Анын айтымында, бул жаңы багыт coolcation (салкын эс алуу) деп аталып, климаттын өзгөрүшү жана популярдуу курорттордогу абанын температурасынын жогорулашынан улам пайда болгон.

Эксперт белгилегендей, туристтердин кызыгуусу өзгөчө Скандинавия өлкөлөрүнө жана Балтика мамлекеттерине өсүүдө. Алардын катарына Исландия, Норвегия, Финляндия, Швеция, Эстония жана Литва кирет.

Мындан тышкары, тоолуу курортторго болгон суроо-талап да артып, эс алуучулар ысык пляждардын ордуна "альп жайын" тандай башташты.