Бишкектеги көлмөдө өзгөчө гүлдөр гүл ачты

Бишкектин Элебесов жана Аул көчөлөрүнүн кесилишинде жайгашкан көлмөнүн айланасын көрктөндүрүү иштери уланууда. Бул тууралуу борбор калаанын мэриясы билдирди.

Маалыматта учурда лотос гүлдөрү гүл ачканы айтылат. Жерине барган шаар мэри Айбек Жунушалиев да лотосторго өзгөчө көңүл бурган.

Буга чейин аймакты санитардык тазалоо иштери жүргүзүлгөн. Учурда көлдүн түштүк бөлүгүнө 51 түп арча отургузулуп, отургучтарды орнотуу уланууда. Ошондой эле тротуардын таман таштарын жана бордюр төшөө иштери жыйынтыкталган.