Мамкызматкерлер улуттук кийим кийиши мүмкүн

Министрлер кабинетинин төрагасы Адылбек Касымалиев "Кабар" агенттигине берген маегинде келечекте мамлекеттик кызматкерлер улуттук кийим кийиши мүмкүндүгүн айтты.

Өкмөт башчы бул сунушун президент жактырганын белгиледи. Ал улуттук кийимин эл аралык иш-чараларга чейин кийген мамлекеттер бар экенин мисал кылды.

"Араб өлкөлөрүндө, Африка мамлекеттеринде, мына, Монголияны алсак деле болот. Алар эл аралык иш-чараларда деле өздөрүнүкүн кийип алып жүрүшөт",- деди Касымалиев.