ЖРТны акысыз тапшыруу боюнча мыйзам долбоору сунушталды 

Өлкөдө жалпы республикалык тестирлөө сынагын акысыз өткөрүү сунушталууда. Тиешелүү мыйзам долбоору бүгүн, 8-сентябрда коомдук талкууга чыгарылды.

Мыйзам долбоорун Жогорку Кеңештин депутаты Дастан Бекешев демилгелеген.

Документке ылайык, ЖРТдан акысыз өтүү укугу бир жолу жана буга чейин ЖРТдан өтпөгөн адамга гана берилет. Кайталап жана андан кийинки ар бир жолу тапшырууга акы төлөнөт. Бул норманы 2028-жылдын 1-январынан тарта ишке киргизүү сунушталууда.

Мыйзам долбоорунда ЖРТны электрондук формага этап-этабы менен өткөрүү да каралат.

Айта кетсек, буга чейин депутат Дастан Бекешев ЖРТ сынагын бекер өткөрүүнү бир нече жолу сунуштаган. Учурда ЖРТнын баасы 470 сомду түзөт.