"Надыр, где ты, родной?" Инспекторду издеген жаран айыпка жыгылды

Социалдык тармактарда "Надыр, где ты, родной?" деп инспектор Надыр Жусупбеков менен жолуккусу келген жигиттин видеосу тараган эле.

Бүгүн, 19-сентябрда Кайгуул кызматы аталган жаран аныкталып, айып пул салынганын билдирди. Кабарлангандай, ал адамдарды жүзүнөн таануу системасынын жардамы менен аныкталган.

Ага карата тиешелүү укук бузуу жөнүндө протокол түзүлдү. Ошондой эле жаран менен профилактикалык түшүндүрүү иштери жүргүзүлдү.

Жаран интернеттеги кылыгы үчүн кечирим сураган.