Жаныш Майр Бишкектеги жер алдындагы өтмөктүн пандусун сынга алды (видео)

Актер жана режиссёр Жаныш Майр Бишкектеги Байтик Баатыр көчөсүндөгү жер алдындагы өтмөктүн пандусун сынга алды. Ал бул тууралуу бүгүн, 29-сентябрда видео жарыялады.

Анын айтымында, пандус коляска менен жүргөндөр үчүн ыңгайсыз. Ал тургай "майыптардын коляскасы үчүн эмес, танк өтүшү үчүн жасалгандай" деп сынга алды.

Жаныш Майр күн сайын сейилдөөгө чыккан энелер балдарын коляскага салып, жолдун аркы бетине өтүүдө бул пандустан түшүү кыйын экенин айтып, өзү да аны колдонуп көрдү.

Ошондой эле ал ден соолугунун мүмкүнчүлүгү чектелген адамдар үчүн мындай пандус менен жүрүү андан да чоң көйгөй жаратарын белгиледи.