Бишкекте орусиялык окуу жайлардын көргөзмөсү өтөт 

Борбор калаада 2-октябрда III Орусия- Кыргыз билим берүү форумунун алкагында орусиялык жогорку окуу жайлардын көргөзмөсү өтөт.

Ал жерде абитуриенттер жана алардын ата-энелери орусиялык ЖОЖдордун кызматкерлери менен түздөн-түз баарлашып, окуу программалары, даярдоо багыттарын жана билим алуу мүмкүнчүлүктөрү тууралуу толук маалымат ала алышат.

Бул көргөзмөгө Москва, Санкт-Петербург, Самара, Астрахань, Томск, Уфа, Кострома жана Орусиянын башка шаарларынан инженердик, IT, медициналык, агрардык, транспорттук багыттагы университеттер катышат.

Ошондой эле орусиялык ЖОЖдорго тапшыруу маселелери боюнча кеңеш берилет.

Аталган иш-чара саат 10:00дөн 17:00гө чейин КРСУнун башкы корпусунда өтөт.