Унаасынын айнегин караңгылатууну каалагандар үчүн акция жарыяланды (видео)

Кыргызстанда унаалардын алдыңкы каптал айнектерин караңгылатууга уруксатты арзандатылган баада алуу боюнча акция жарыяланды. Бул тууралуу кечээ, 5-ноябрда Транспорт каражаттарын жана айдоочулук курамды каттоо боюнча мамлекеттик борбордон билдиришти.

Маалыматка ылайык, тиешелүү токтомго министрлер кабинетинин төрагасы Адылбек Касымалиев кол койгон. Акциянын алкагында уруксат кагазынын баасы төмөнкүдөй болот:

• Жеке жактар (резиденттер) үчүн — 25 миң сом;
• Юридикалык жактар үчүн — 50 миң сом;
• Резидент эмес жарандар үчүн — 70 миң сом;
• Электромобилдер үчүн — 20 миң сом;
• Юридикалык жактардын электромобилдери үчүн — 40 миң сом;
• Чет өлкөлүк жарандардын электромобилдери үчүн — 60 миң сом.

Акция 5-ноябрдан 5-декабрга чейин жүргүзүлөт.