Европадан велосипедчен келген Насирдинди Бишкектин борборунда тосуп алышты (видео)

Бүгүн, 10-ноябрда Бишкектин борбордук аянтында Польшадан велосипед менен жолго чыккан кыргызстандык Насирдин Өмүралиев жана анын сапарлашы, Италиянын 64 жаштагы жараны Марко Фантеллону салтанаттуу тосуп алышты.

Белгилүү болгондой, Насирдин сапарын Кыргызстанды дүйнөгө таанытуу жана ата-бабалар басып өткөн тарыхый жолдорду улантуу максатында баштаган. Жолдон Азербайжандын Алят портунан Марко Фантелло менен таанышып, андан ары сапарын чогуу улантышкан.

Саякатчыларды мэриянын өкүлдөрү жана шаар тургундары жылуу тосуп алышып, аларга ыраазычылык каттарын жана эстелик белектерди тапшырды. Сапар мекенчилдиктин, эрктүүлүктүн жана эл аралык достуктун үлгүсү катары бааланды.